Ukrayna Ali Radası eks-prezident Viktor Yanukoviçlə bağlı qanun layihəsi qəbul edib.

Axar.az xəbər verir ki, parlament Yanukoviçin mülkiyyətinin müsadirə edilməsini dəstəkləyib. Qanun layihəsinin müəllifi Xalq Cəbhəsi Partiyasının nümayəndəsi Tatyana Çernovol və Oleq Barnadır.

Qanun layihəsində bildirilir ki, qanunsuz yolla seçilmiş yüksək vəzifəli şəxslər tərəfindən mənimsənilən pul və digər əmlakların geri qaytarılması üçün araşdırma aparılacaq və məhkəmə orqanlarından yayınmaq kimi cəhdlərin qarşısı alınacaq.

Qeyd edək ki, Yanukoviçlə yanaşı, hökumətin digər üzvləri Azarov, Arbuz, Zaxarçenko və Klimenko barəsində də araşdırma davam etdiriləcək.