Avropa Birliyi ölkələrinə əcnəbilərin girişini tənzimləyən Şengen zonası miqrant və qaçqınların kütləvi axınına görə öz fəaliyyətini dayandırıb.

Axar.az TASS-a istinadən xəbər verir ki, bu sözləri Slovakiyanın Xarici İşlər naziri Miroslav Layçak deyib. Nazirin sözlərinə görə, miqrantlarla mübarizə artıq o qədər mürəkkəbləşib ki, onu davam etdirmək mümkün deyil:

"Faktiki olaraq Şengen zonası fəaliyyətini dayandırıb".

Nazir ölkəsinin miqrantlara tətbiq edilən kvotalara qarşı çıxdığını elan etsə də, qanunsuz miqrasiyaya qarşı mübarizənin ən çətin mərhələsində olduqlarını da etiraf edib.

Xatırladaq ki, Şengen zonası özündə 26 dövlətin sərhəd nəzarətinin vahid sistemini birləşdirir.