Hazırda qanuni oğru (vor v zakone) tituluna sahib olan 485 nəfərdən 276-sı gürcüdür.

Axar.az xəbər verir ki, qanuni oğruların sayına görə ikinci pillədə 61 nəfərlə ruslar gəlir. Məlumatda vurğulanır ki, rus qanuni oğrularının böyük əksəriyyətinə bu titulu gürcü həmkarları veriblər.

Üçüncü pilləni isə ermənilər tutur. Onlar kompakt şəkildə Ermənistanda yaşayırlar və onların nüfuzu ölkədən kənara yayılmır.

Azvision.az-ın məlumatına görə, qanuni oğru aləminə mənsub olmaq istəyən şəxs Gürcüstanda azadlıqdan məhrum edilə bilər. Bu istiqamətdə ölkə qanunvericiliyi sabiq Mixail Saakaşvilinin dövründə sərtləşdirilib.