Ana səhifə Toplum |
Bakıda gənclərin məşğulluğuna dair beynəlxalq seminar keçiriləcək.
Əmək və Əhalinin Sosial Müdafiəsi Nazirliyindən Axar.az-a verilən məlumata görə, seminar Beynəlxalq Əmək Təşkilatı ilə birgə keçiriləcək. "Gənclərin məşğulluğu üzrə siyasətlərin, proqramların və institutların qiymətləndirilməsi" mövzusunda keçiriləcək beynəlxalq seminar sentyabrın 9-11-də Bakıda baş tutacaq.
Tədbirdə hökumət və qeyri-hökumət qurumlarının, sosial tərəfdaşların, BƏT-in və MDB ölkələrinin nümayəndələri iştirak edəcək. Seminarın gündəliyinə "MDB-də gənclərin məşğulluğuna dair əməkdaşlıq" layihəsinin təqdimatı və qiymətləndirilməsi, Azərbaycanda gənclərin məşğulluğu üzrə siyasət və proqramların nəzərdən keçirilməsi daxildir.
Həmçinin ayrı-ayrı MDB ölkələrində (Rusiya, Qazaxıstan) əmək bazarında cari problemlər və inkişaf strategiyaları seminarın müzakirə mövzularından olacaq.
Xatırladaq ki, Azərbaycanın da daxil edildiyi "MDB ölkələrində gənclərin məşğulluğu sahəsində əməkdaşlıq" layihəsi əsasında ötən il ölkədə "Təhsildən məşğulluğa: gənc, ali təhsilli, ilk dəfə iş axtaranlara dəstək" pilot layihəsi icra olunub.
Tarix
2015.09.03 / 22:41
|
Müəllif
Nigar İxtiyarqızı
|