Macarıstanın Baş naziri Viktor Orban bildirib ki, Yaxın Şərq və Afrikadan gələn qeyri-leqal miqrantlar Avropa Birliyi ölkələrinin problemi deyil.

Axar.az "Unian"a istinadən xəbər verir ki, Macarıstanın Baş naziri Viktor Orban Brüsseldə Avropa Parlamentinin sədri Martin Şults ilə birgə keçirdiyi mətbuat konfransında elan edib ki, qanunsuz miqrantlar Avropa İttifaqı dövlətlərinin deyil, Almaniyanın öz problemidir:

"Macarıstan bütün miqrantları qeydiyyata alacaq. Biz miqrantları Aİ-nin tələblərinə uyğun qeydiyyatdan keçirəcəyik. Qeyri-leqal miqrantlar bütün Aİ ölkələrinin deyil, təkcə Almaniyanın problemidir".

Xatırladaq ki, ötən gün Macarıstan miqrantları qeydiyyata almaqla yanaşı, "iqtisadi miqrantları" öz ölkəsinə göndərəcəyi ilə bağlı bəyanat yaymışdı.