Ukrayna BMT-nin kömək etməyə imkanı çatmayan ölkələr siyahısına düşüb.

Axar.az xəbər verir ki, son on il ərzində maliyyə yardımına ehtiyacı olan planet sakinlərinin sayı təxminən beş dəfə artıb. Bu da Ukraynanı Yəmən və Somali kimi BMT-nin yardım etməyə imkanı çatmayan dövlətlər siyahısına salıb.

BMT-nin sözügedən siyahı ilə bağlı yaydığı açıqlamada deyilir:

"2015-ci ilin əvvəlində humanitar dəstək üçün dünyanın 22 ölkəsindən 78 milyon insan siyahıya alınıb. Onların çoxu fövqəladə yardım üçün BMT-ə müraciət edib. Buna görə də, BMT-nin Ukrayna daxil olmaqla bir sıra ölkələrə humanitar yardım göstərə bilməməsinin səbəbi maliyyə çatışmazlığıdır".