Ana səhifə Gündəm |
Türkiyədən qaçan prokurorlar - Zəkəriyyə Öz və Cəlal Qaranın Ukraynada gizləndiyi dəqiqləşib.
Axar.az-ın məlumatına görə, onların Kiyevdə olduğu və evdən bayıra çıxmadıqları təsbit edilib.
Gülənin ABŞ-dakı mühüm adamlarından biri Tuncay Opçinin də onlarla bir yerdə olduğu deyilir. Prokurorlar sui-qəsd təhlükəsi olduğunu zənn edib evdən çıxmırlar.
Məlumatda deyilir ki, Gülənin Türkiyədən çıxarılan azərbaycanlı kadrı Mahir Zeynalov isə Amerikadan sığınacaq alıb. "Todays Zaman" müxbiri olan M.Zeynalovun Vaşinqton metrosunda çəkilmiş özəl fotosu Mehmetçik TV tərəfindən yayımlanıb.
Qeyd edək ki, Fətullah Gülən tərəfdarı olduğu iddia edilən prokurorların əvvəlcə Ermənistana, oradan Gürcüstana, daha sonra Almaniyaya qaçdığı xəbər verilirdi. Ancaq Almaniya rəsmiləri iddiaları təkzib etdi.
Tarix
2015.09.04 / 11:48
|
Müəllif
Emil Salamoğlu
|