Ana səhifə Planet |
Macarıstan Baş naziri Viktor Orban Avropa Birliyi Şurasında təşkil etdiyi mətbuat konfransında ölkələrində müsəlman əhali istəmədiklərini açıqlayıb.
Axar.az xəbər verir ki, baş nazir immiqrantların Macarıstana girdiyi halda hamısının qeydiyyata alınacağını, bunun qanuni zərurət olduğunu və sərhədi qorumaq məcburiyyətində olduqlarını bildirib.
Baş nazir Orban Avropa Birliyi ölkələrində rahat səyahəti təmin edən Şengen razılaşmasının riskdə olduğunu söyləyib:
"Bizə görə ölkələr istədiyi qədər müsəlman immiqrant qəbul edə bilər. Bu onların seçimidir. Biz, ölkəmizdə çoxlu müsəlman əhali istəmirik. Sərhədimizi qorumalıyıq. Hər şeyin təməli budur. Macarıstan immiqrant qəbul etməkdən məmnun deyil. Avropanın hər gələni qəbul edəcək halı yoxdur. Bu, Avropanın problemi deyil. Biz sərhədimizi qorumasaq, bütün Şengen sistemi çökər. Əvvəl minlər, sonra on minlər, hazırda milyonlarla insandan bəhs edirik. İmmiqrant olan ölkələri dəstəkləməliyik. Mühacirlər ölkələrinə yaxın yerlərdə qalmalıdırlar. Tək həll yolu budur. İnsanları sülh əldə edilənə qədər ölkələrinə yaxın yerdə saxlamalıyıq. Biz Türkiyə, İordaniya və digər immiqrant olan ölkələrə pul göndərməliyik. Bura gətirmək problemi həll etmir. Bu pulu da AB ölkələri verəcək təbii ki".
Tarix
2015.09.04 / 12:41
|
Müəllif
Nilufər Muğantürk
|