Ana səhifə Gündəm |
Maliyyə naziri Samir Şərifov bu gün Ankarada G-20 ölkələrinin maliyyə nazirləri və mərkəzi bank rəhbərlərinin iclasında iştirak edəcək.
Bu barədə Axar.az-a nazirlikdən məlumat verilib. Məlumatda bildirilib ki, iclas iki gün davam edəcək.
G-20 ölkələri rəhbərlərinin noyabrda Antalyada keçiriləcək toplantısına hazırlıq məqsədi daşıyan iclasda maliyyə nazirləri və mərkəzi bank rəhbərləri Türkiyənin G-20 qrupuna sədrliyi dövründə müəyyən etdiyi prioritetlərə uyğun olaraq qlobal iqtisadiyyat, dayanıqlı və tarazlaşdırılmış inkişaf strategiyaları, investisiya və infrastruktur, beynəlxalq maliyyə arxitekturası, maliyyə bazarlarının tənzimlənməsi, beynəlxalq vergi və digər məsələlərlə bağlı müzakirələr aparacaq.
Qeyd edək ki, Azərbaycan G-20-nin builki ev sahibi Türkiyə tərəfindən dəvətli ölkə qismində toplantılarda iştirak edir.
Tarix
2015.09.04 / 13:53
|
Müəllif
İlham Sahiloğlu
|