Hələ bir müddət öncə Prezident İlham Əliyevə müraciət etmişdim ki, məni tutduğum vəzifədən azad etsin. Bu baxımdan məlum sərəncam mənim üçün gözlənilməz deyildi.

Axar.az xəbər verir ki, bunu paytaxtın Nəsimi rayonunun sabiq icra başçısı Nəsib Məhəməliyev deyib.

Vəzifəsindən azad olunan keçmiş icra başçısı "Unikal" qəzetinə müsahibəsində deyib ki, parlamentdə təmsil olunmaq istəyir. Onun sözlərinə görə, qarşıdan gələn parlament seçkilərinə YAP-ın namizədi kimi qatılmaq niyyətindədir:

"Mən hələ 2000-ci ildə Balakənə icra başçısı təyin olunanda deputat olmaq istəyimi dilə gətirmişdim, amma bəzi səbəblərdən alınmadı. Hazırda namizədliyimi Balakən rayonundan irəli sürməyi düşünürəm".