Moskva 2015-ci ilin dördüncü rübündə Ukraynaya qazı güzəştli qiymətlərlə satmağa hazır olduğunu açıqlayıb.

Axar.az "İnforesist"ə istinadən xəbər verir ki, rəsmi Kiyev məsələ ilə bağlı hələ heç bir müraciət etməsə də, Rusiya artıq müəyyən güzəştlərə gedəcəyini açıqlayıb.

Rusiya Federasiyasının Energetika naziri Aleksandr Novak deyib ki, Ukraynaya satılacaq qazın qiyməti digər sərhəd ölkələr, məsələn, Polşa üçün nəzərdə tutulan qiymətlərin səviyyəsində olacaq.

Novak konkret rəqəmi səsləndirməkdən imtina etsə də, qiymətin üçüncü rübdə Ukraynaya təklif edilən qiymətdən "cüzi miqdarda aşağı" olacağını vurğulayıb.