Özbəkistanın "uchildiz.uz" portalında azərbaycanlı alim Cabbar Məmmədovun şair Nizami Gəncəvi haqqında məqaləsi dərc olunub.

Axar.az xəbər verir ki, materialda şairin həyat və yaradıcılığı haqqında ətraflı məlumat verilib. "Xəmsə"nin dünya mədəniyyətinin inciləri sırasına düşdüyü, şairin əsərlərinə Azərbaycan, türk, fars, ərəb, özbək və digər dillərdə yüzdən artıq nəzirə yazıldığı qeyd olunub.

Məqalədə həmçinin Nizami Gəncəvi yaradıcılığının ancaq Şərqin deyil, həm də Qərb dünyasının sərvəti olduğu, Nizaminin əsərlərinə çəkilmiş illüstrasiyaların Londondakı "Britaniya", Parisdəki "Luvr" muzeylərində, İstanbuldakı "Topqapı", Moskvadakı "Tretyakov" qalereyalarında və digər yerlərdə saxlanıldığı vurğulanıb.

Yazıda tarixi faktlara əsaslanaraq Nizami Gəncəvinin doğulduğu və yaşadığı yer haqqında araşdırma da yer alıb.