Bu gündən oktyabrın 15-nə kimi paytaxt poliklinikalarında "Açıq qapı aylığı" keçiriləcək.

Səhiyyə Nazirliyindən Axar.az-a verilən məlumata görə, məqsəd tibbi xidmətin keyfiyyətini artırmaqdır.

Həmçinin 1 oktyabr "Beynəlxalq ahıllar günü" ərəfəsində Bilgəhdəki qocalar evinin sakinlərinə, Respublika Veteranlar Şurasının, Ombudsman Aparatı "Ahıllar üçün resurs mərkəzi"nin üzvlərinə tibbi yardım göstəriləcək.

Ehtiyac olduğu halda onlar dispanser qeydiyyatına götürüləcək.

Şəhər poliklinikalarından göndərişlə müraciət etmiş xroniki ürək-damar, tənəffüs sistemi, mədə-bağırsaq, ginekoloji, endokrinoloji, nevroloji, uşaq xəstəlikləri, lor, stomatoloji və s. xəstəliklərlər müayinə olunacaq. Müayinədən sonra xəstələrə müalicə kursu təyin olunacaq.