Ana səhifə Kult |
Noyabrın 14-də və 15-də ölkəmizdə "Dostların əhatəsi" Sankt-Peterburq kukla teatrının "Smeşariklərin yeni sərgüzəştləri" adlı qastrol tamaşası nümayiş olunacaq.
Axar.az xəbər verir ki, tamaşanın nümayişi Azərbaycan Dövlət Opera və Balet Teatrında baş tutacaq.
"Smeşariklər"i digər uşaq tamaşalarından fərqləndirən ən əsas xüsusiyyət burada mənfi personajın olmamasıdır. Bütün personajlar öz xarakterləri etibarilə xeyirxahlıq aşılayan müsbət qəhrəmanlardır. Uşaqların sevimlisi olan "Smeşariklər" cizgi filminin sevimli qəhrəmanları yeni sərgüzəştləri, məzəli və şən əhvalatları ilə nəinki balaca tamaşaçılara, hətta böyüklərə də unudulmaz zövq verəcək. Tamaşaçılar sevimli qəhrəmanları ilə birgə macəralar aləminə düşəcək.
Qeyd edək ki, "Dostların əhatəsi" Sankt Peterburq Kukla Teatrı 2007-ci ildə yaradılıb. Kollektiv uşaq tamaşaların hazırlanması istiqamətində böyük təcrübəyə malikdir.
Tarix
2015.09.16 / 01:30
|
Müəllif
Nilufər Muğantürk
|