"Açıq qapı aylığı" çərçivəsində Respublika Veteranlar Şurasında veteranların müayinəsi keçiriləcək.

Səhiyyə Nazirliyindən Axar.az-a verilən məlumata görə, müayinə "Beynəlxalq ahıllar günü" münasibətilə sabah saat 11.00-da keçiriləcək. Müayinədə heriatr, kardioloq, LOR, göz həkimi iştirak edəcək.

Tədbirlər planına Bilgəh qəsəbəsində yerləşən qocalar evinin sakinlərinə, Ombudsman aparatı "Ahıllar üçün resurs mərkəzi"nin üzvlərinə tibbi yardım göstərilməsi nəzərdə tutulub. Ehtiyac olduğu halda onların dispanser qeydiyyatına götürülməsi də həyata keçiriləcək.

"Sağlamlaşdırma və reabilitasiya" poliklinikasına şəhər poliklinikalarından göndərişlə müraciət etmiş xroniki ürək-damar, tənəffüs sistemi, mədə-bağırsaq, ginekoloji, endokrinoloji, nevroloji, uşaq xəstəlikləri, lor, stomatoloji və s. xəstəliklərlər əvvəlcə müayinə olunacaq, sonra xəstələrə müalicə kursu təyin olunacaq.