Müğənni Röya Ayxan arıqlamağının sirrini açıqlayıb.

Axar.az-ın axşam.az-a istinadən məlumatına görə, sənətçi çoxlu su içdiyini bildirib. Onun sözlərinə görə, ilk günlər ürəkbulanma olub:

"Mən, Abbas Bağırov və Elşən Orucov su ilə arıqladıq. Sizə də məsləhət görərdim. Hamı bilir ki, qəhvəsiz yaşamırdım. Amma öd problemim yaranana qədər. Sonra onu su ilə əvəz etdim. Düzünü desəm, ilk 3-4 günü ürəkbulanma verirdi. Sonra öyrəşdim. Hətta üzündə səpgi olanlara da çoxlu su içmələrini məsləhət görərdim".

Röya deyib ki, qəşəng qız olmasa da, makiyajsız gəzə bilir: "Su, su, yenə də su. Qadınlar həftədə bir dəfə qazlı su qəbul edə bilərlər. Bu bizə xeyirlidir".