ABŞ-da qatilin edamına bir dəqiqə qalmış icrası ertələnib.

Axar.az-ın xəbərinə görə, 1997-ci ildə öz rəisinin qətlində təqsirli bilinən Riçard Qlossipin edamı bir ay təxirə salınıb.

Oklahoma ştatının qubernatoru Meri Fellin bu qərarı öldürücü iynənin keyfiyyətinə şübhə yaranması ilə izah edib.

Qlossipin edamı üçüncü dəfədir ki, təxirə salınır. Bu dəfə cəzanın icrası noyabrın 6-na təyin edilib. Qlossip öz günahını inkar edib. O, qatilin ömürlük həbsə məhkum olunmuş iş yoldaşı Castin Snid olduğunu deyib.

Oklahomada Kleyton Lokketin edamı da keyfiyyətsiz preparatlar səbəbindən baş tutmamışdı. O, inyeksiyadan 20 dəqiqə keçməsinə baxmayaraq, can verməkdə davam edib və nəticədə ağır iztirablar çəkərək ölüb.