"Qəbələ"nin baş məşqçisi Roman Qriqorçuk "Qarabağ"lı həmkarının penalti ilə bağlı qərarına münasibət bildirib.

Axar.az Peşəkar Futbol Liqasının saytına istinadən xəbər verir ki, Qriqorçuk Qurban Qurbanova böyük hörməti olduğunu deyib.

Həmkarının qərarını məmnunluqla qarşılayan ukraynalı mütəxəssis penalti epizodu ilə bağlı bunları qeyd edib:

"Mənim Qurbana çox böyük hörmətim var. Onunla danışmışam, çox peşəkar insandır. Belə addım atması onu lap yüksəklərə qaldırır. Bunu hakimlərə hörmətsizlik kimi yox, futbol adına böyük hadisə kimi qəbul etmək lazımdır. Bu barədə Avropada da danışacaqlar. "Qarabağ" kimi komandaya və belə məşqçiyə heç kimin köməyi lazım deyil. Eləcə də bizə. Sadəcə, düzgünlük olsun və biz işimizin bəhrəsini meydançada görək".