ABŞ və Cənubi Koreya Şimali Koreyada təxribat əməliyyatları keçirməyi planlaşdırır.

Axar.az xəbər verir ki, bunu Yaponiyanın "Asahi Şunbun" qəzeti yazıb.

Qəzetin məlumatına görə, iki ölkə Şimali Koreyada stabilliyi pozacaq plan hazırlayıb.

Cənubi Koreya həmçinin Şimali Koreyanın strateji obyektlərinə hücum etmək üçün xüsusi təyinatlı dəstə də yaradıb.

Mümkün ssenarilər arasında Şimali Koreya lideri Kim Çen İnin əsir alınması da var.

ABŞ-ın artıq "5029" adlı planı aktivləşdirdiyi iddia edilir. Plana əsasən, nüvə silahının yayılmasının qarşısını almaq üçün BMT Təhlükəsizlik Şurasının qərarı olmadan əməliyyatlar keçirilə bilər.