Bir sıra avtomobil yollarının adlarında dəyişikliklər olunması barədə qərar qəbul edilib.

Axar.az xəbər verir ki, baş nazir Artur Rasizadənin imzaladığı qərara əsasən, Nazirlər Kabinetinin 2005-ci il 31 mart tarixli 59 nömrəli qərarı ilə təsdiq edilmiş "Azərbaycan Respublikasının yerli əhəmiyyətli avtomobil yollarının siyahısı"nda dəyişikliklər edilib.

Qərara görə, Ağcabədi rayonunda "Qiyamadınlı" sözü "Yuxarı Qiyaməddinli", Astara rayonunda "Telman" sözü "Çayoba", Cəlilabad rayonunda "Təzəkənd" sözü "Çəmənli", "Kövüzbulaq" sözü "Soyuqbulaq", Gədəbəy rayonunda "Yenikənd" sözü "Qızılqaya", "Arabaçı" sözü "Çiçəkli" sözü ilə əvəz edilib.

Həmçinin Göyçay rayonu "Cəyirli" sözü "Şıxlar", İsmayıllı rayonu "Cülyan" sözü "Yuxarı Cülyan", Kürdəmir rayonu "Qarabucaq" sözü "Axtaçı Qarabucaq", Laçın rayonu "Ağbulaq" sözü "Sarıbaba", Tərtər rayonu "Təzəkənd" sözü "Ağkənd", "Qapanlı" sözü "Alışarlı", "Sarıcalı" sözü "Yuxarlı Sarıcalı", "Qaradağlı" sözü "Yuxarı Qaradağlı", Ucar rayonu "Çiyni" sözü "Yuxarı Çiyni", Zaqatala rayonu "Əli Bayramlı" sözləri "Dağlı", "Dombabinə" sözü "Üçüncü Tala" sözləri ilə əvəz olunub.