Amerikalı siyasi məsləhətçi Rocer Stoun Hillari əri Bill Klintonla olan münasibətlərini üzə çıxaracaq kitabını çap edəcək.

Axar.az "Nyu York Post"a istinadən xəbər verir ki, Rodcer Stoun Klinton ailəsindəki zorakılıqlardan bəhs edən kitab yazıb. Kitabda müəllif iddia edir ki, Hillari əri Bill Klintona qarşı illərlə zorakılıq tətbiq edib və onu döyüb. Müəllif kitabda uzun illər şayiə kimi yayılan və cavabsız qalan ittihamları faktlarla sübut etməyə çalışıb.

Stounun sözlərinə görə, o, kitab yazarkən Bill Klintonun prezident olduğu illərdə yanında çalışan insanlarla danışıb və kifayət qədər məlumat toplayıb.

Qeyd edək ki, qalmaqallı kitab oktyabr ayının 13-də oxuculara təqdim olunacaq.