Fransanın cənubunda baş verən seldə ölənlərin sayı 16 nəfərə çatıb.

Axar.az xəbər verir ki, selin baş verdiyi bölgədə yollara ciddi ziyan dəydiyi, maddi zərərin böyük olduğu bildirilib. Selin baş verdiyi yerlərin "fəlakət bölgəsi" elan ediləcəyi qeyd edilib. Nəticədə 4 nəfər itkin düşüb.

Fransa Respublikasının Prezidenti F.Olland və Daxili İşlər naziri Bernard Kaznöv bölgəyə gedərək hadisə barədə məlumat alaraq araşdırmalar aparıb. Prezident mətbuata açıqlama verərək dövlətin sel fəlakətindən zərər görən insanların ehtiyaclarını qarşılamaq üçün bütün imkanlarını səfərbər edəcəyini deyib.

Axtarış-xilasetmə işlərinin aparıldığı bölgəyə 450 xilasedici qrup və 3 yardım vertolyotu göndərilib.