Son bir ayda 50 minə yaxın mobil cihaz elektron qeydiyyatdan keçirilib.

Axar.az xəbər verir ki, Rabitə və Yüksək Texnologiyalar Nazirliyinin Məlumat Hesablama Mərkəzi sentyabr ayı üzrə statistika aparıb. Statistikaya əsasən, "Mobil cihazların qeydiyyatdan keçirilməsi" elektron xidməti yenə də "Elektron hökumət" portalı üzərindən ən çox istifadə olunan xidmətlərdən olub.

Nəticələrə görə, istifadəçilər elektron xidmətdən ötən ay 49.506 dəfə faydalanıblar. Vətəndaşlar xarici ölkələrdən aldıqları mobil cihazları sözügedən xidmət vasitəsi ilə asanlıqla qeydiyyatdan keçirə və onlayn ödəniş edə bilirlər.