İraqın bir neçə əyalətində silsilə terror aktları təşkil olunub.

Axar.az xəbər verir ki, son sutka ərzində baş verən hücumlarda 51 nəfər ölüb, 92 nəfər isə yaralanıb.

Ən böyük partlayış Diyalə vilayətində baş verib. Terakt nəticəsində ilkin məlumata görə, 36 nəfər ölüb, 50 nəfər isə yaralanıb.

Digər partlayış isə Bəsrədə baş verib. Avtomobilə quraşdırılan bombanın partlaması nəticəsində 10 nəfər ölüb, 25 nəfər yaralanıb.

Daxili İşlər Nazirliyinin məlumatına görə, paytaxt Bağdadın 3 fərqli bölgəsində kustar üsulla hazırlanmış əl bombaları ilə həyata keçirilən hücumlarda isə 5 nəfər ölüb, 17 nəfər yaralanıb.