Ana səhifə Kult Ədəbiyyat |
İsveçli məşhur detektiv yazar Heninq Mankel vəfat edib.
Axar.az ingilis Teleqraf qəzetinin elektron saytına istinadən xəbər verir ki, 67 yaşında vəfat edən yazarın ölümünə səbəb xərçəng xəstəliyi olub.
Yazar sonuncu, "Bataqlıq: İnsan olmağın mənası" adlı kitabında xərçənglə mübarizəsindən bəhs etmişdi.
Xatırladaq ki, Heninq Mankel 1948-ci ildə anadan olub. Onlarla pyes, roman, uşaq kitabı və ssenari müəllifidir. Yazarın Kurt Valander adlı qəhrəmanının İsveç və Mozambik macəralarından bəhs edən silsilə detektiv romanları böyük məşhurluq qazanaraq Kennet Brananın baş rolunu oynadığı televiziya seriallarına da uyğunlaşdırılıb. Yazar ona çox böyük məşhurluq gətirən və 40 milyondan çox satılan detektiv romanların melanxolik qəhrəmanı Valanderin adını telefon kitabçasından tapıb.
Tarix
2015.10.06 / 12:32
|
Müəllif
Nilufər Muğantürk
|