Madrid "Real"ının sabiq baş məşqçisi Karlo Ançelotti "Dumanlı Albion"a qayıda bilər.

Axar.az xəbər verir ki, italiyalı mütəxəssisin bir neçə gün öncə Brendan Rodcersi istefaya göndərən "Liverpul" rəhbərliyi ilə danışıq apardığı, dünən isə ilkin razılığın əldə olunduğu məlum olub. Yaxın günlərdə Papa Karlonun "Mersisaydlılar"la müqavilə bağlayacağı gözlənilir.

Qeyd edək ki, 56 yaşlı mütəxəssislə bərabər "Borussiya"nın sabiq baş məşqçisi Yurgen Kloppun da "Liverpul"un sükanı arxasına keçəcəyi ilə bağlı xəbərlər yayılmışdı. Lakin almaniyalı mütəxəssis bu iddiaları təkzib edərək İngiltərədə çalışmayacağını bildirib.