Ana səhifə Kult Teatr |
Azərbaycan Dövlət Musiqili Teatrının yeni saytı istifadəyə veriləcək.
Teatrdan Axar.az-a verilən məlumata görə, 106-cı mövsümün başlanması ərəfəsində teatr rəhbərliyi yeni saytın yaradılmasıyla bağlı qərar verib. Teatrın direktoru, əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev saytda bir sıra yeniliklər olacağını bildirib:
"Yeni saytın yaradılmasını şərtləndirən əsas səbəblərdən biri də bir sıra texnoloji yenilikləri tətbiq və istifadə etmək istəyidir. Yeni saytımızı hazırlayan yaradıcı və texniki heyət qabaqcıl dünya teatrlarının bu sahədəki təcrübəsindən maksimum yararlanmağa çalışır. İnanıram ki, ortaya yaxşı bir iş çıxacaq. Artıq tamamlanma işləri gedir. Yəqin ki, növbəti həftə üçün yeni saytımız hazır olacaq".
Qeyd edək ki, dünən Milli Kitabxanada baş tutan görüşdə Mədəniyyət və Turizm Nazirliyinin İnformasiya və ictimaiyyətlə əlaqələr şöbəsinin müdiri Vüqar Şixəmmədov respublikanın teatr-konsert müəssisələrinin mətbuat xidməti və ədəbi dram hissə müdirləri ilə söhbətində teatrlarda reklam və informasiya vasitələrinin inkişaf etdirilməsindən danışıb.
Tarix
2015.10.07 / 17:25
|
Müəllif
Nigar An
|