Ana səhifə Planet |
Gürcü şərabının Rusiya və Ukraynaya ixracının azalması Kaxetiyanın üzümçülərinə ciddi zərbə vurub.
Axar.az-ın xəbərinə görə, indi Gürcüstanda üzüm yığımı mövsümüdür, amma üzüm tənəklərdə çürüyür.
Kəndlilər BBC-yə deyiblər ki, hazırkı alış qiymətləri ilə üzüm yetişdirmək sadəcə olaraq mənasızlaşıb, xərci borcunu ödəmir.
"Ötən il fermerlər bir kilo üzümü bir laridən verirdilər. İndisə qiymət ölüb, əksinə, tənəkləri baltalayırlar", - Qurcuani rayonundan Givi Nadaşvili gileylənib. Halbuki 2014-cü ildə gürcü şərabının Rusiyaya eksportu bərpa olunanda ixrac rekord həddə çatmışdı. Bu ilin ilk səkkiz ayı ərzində şərab ixracı 46 faiz azalıb. Kaxetiyada çoxları üçün üzüm çörək ağacıdır.
74 yaşlı Georgi Vardiaşvili deyib ki, ömrünün çox hissəsini üzümçülüyə həsr edib. 6 hektar tənəkliyi var. Onun üzümlüyündə hakim "Gürcüstan arzusu" koalisiyasının bayrağı dalğalanır. Onları 2012-ci il seçkilərində dəstəkləyib. Lakin koalisiya onun gözləntilərini məyus edib. Deyir ki, belə koalisiya onun nəyinə lazımdır?
Gürcü çaxırının Rusiya bazarına qayıtması şərabçılığı dirçəltmişdi, hökumət bununla fəxr edirdi. Ukraynada isə vəziyyətin tezliklə stabilləşəcəyinə ümid azdır.
Tarix
2015.10.08 / 00:13
|
Müəllif
Emil Salamoğlu
|