Ana səhifə Toplum |
Vətəndaşlar payız-qış mövsümündə enerji təchizatı üçün bəzi narahatlıqlar yaşayırlar. Narahatlığa heç bir əsas yoxdur. Nə qədər təlabat varsa, hamısı ödəniləcək.
Bu sözləri Axar.az-a danışan Azərişıq ASC-nin mətbuat katibi Tanrıverdi Mustafayev deyib. O, qurumun bu il gördüyü işlər barədə danışıb:
"İlk günlərdən başlayaraq yararsız, istismar müddəti başa çatmış komplekt transformator məntəqələrinin yenilənməsi-müasir tipli avadanlıqlarla təchiz edilməsi prosesi davam etdirilir. Müasir Komplekt Transformator Məntəqələri inşa edilir.
Bu işlərlə yanaşı uzun illər istismar olunan ağac dayaqlar da yeni dəmir boru dayaqlarla əvəzlənir, açıq tipli, uzun müddət istismarda oldugu üçün yararsız vəziyyətə düşmüş, heç bir standarta uyğun gəlməyən alüminium naqillər özünüdaşıyan (SİB) izolyasiyalı kabellərlə dəyişdirilir.
Tədbirlər on minlərlə abonentin elektrik enerjisinə olan təlabatını yaxşılaşdırmaqla bərabər normadan artıq texnoloji itkilərin azaldılmasına və uçot sisteminin daha təkmil şəkildə aparılmasına müsbət təsir göstərir. Bütün bunlara əsaslanaraq demək olar ki, Azərişıq tam şəkildə qışa hazırdır".
"Azərişıq" sözçüsü borclu abonentlərin sayından da danışıb:
"Azərişıq" hər zaman borclu abonentlərə müəyyən güzəştlər edib və etməkdə də davam edəcək. Hazırda borclu abonentlərin sayı 2.5 milyon nəfərə yaxındır".
Qeyd edək ki, ASC-i hazırda 14 rayonda yeni ofislərin tikintisinə başlayıb.
Tarix
2015.10.09 / 11:41
|
Müəllif
Axar.az
|