Ana səhifə Planet |
Şimali Koreya lideri Kim Çen İn kiçik bacısı Kim Yo Çjonu şəxsi təhlükəsizlik xidmətindəki vəzifəsindən çıxarıb.
Axar.az xəbər verir ki, bu barədə İngiltərənin "Teleqraf" qəzeti məlumat yayıb.
Açıq mənbələrdən alınan məlumata görə, diktator 2013-cü ildə bacısını Koreya İşçi Partiyasının protokol xidmətinin rəisi vəzifəsinə təyin edib. Bundan əlavə, Kim Yo qardaşının siyasi müşaviri olub.
Qəzet qeyd edir ki, İsveçrədə təhsil alan Kim Yo Kim Çen İnin stilinə və onun təhlükəsizliyinə görə də məsuliyyət daşıyıb.
Bacı-qardaş arasında gərginlik isə bir müddət sonra yaşanıb. Gənclərlə görüş zamanı bir qrup dəstə təhlükəsizlik orqanlarının qurduğu canlı divarı yararaq, Şimali Koreya liderinə yaxınlaşa bilib.
Bundan əlavə, Kim Çenin kolxozlardan birinə səfəri zamanı onu ansambl qarşılayıb. Bu zaman gitaristlərdən birinin aləti təsadüfən Şimali Koreya rəhbərinin üzünə dəyib.
Tarix
2015.10.09 / 13:28
|
Müəllif
İlham Sahiloğlu
|