Ana səhifə Gündəm |
Ötən gün Milli Televiziya və Radio Şurasının ANS telekanalına iradları sırasında "Salam Azərbaycan" proqramının oktyabrın 5-də yayımladığı kadrlardakı ifadələr də əksini tapmışdı.
Axar.az xəbər verir ki, MTRŞ-in bildirdiyi iradların artıq vedio-yazısı Yutub sosial şəbəkəsində yayılıb. Həmin iradlarda "Metamarfoza" klipindəki bu sözlər qeyri-etik sayılmışdı:
Savaş gedir, qan tökülür azəri torpağında
Millət defile eyləyir düşmənin qabağında
Atəşkəsdən yararlanıb alver edir arada
Dədəm Qorqud sahə alıb Badamdar bağlarında
Koroğlunun gözü doymur yığdığı rüşvətlərdən
Natavan başçılıq edir ordumuza Dubayda
Anoloqu, ataloqu yoxdu bu savaşın,
Qaçaq Nəbi Mersedesdə göynən gedir, qardaşım.
İşi xoddur, biznesmendir, neft satır maşın-maşın.
Neftdən qabaq torpaq satıb dollara arşın-arşın.
İyirmi Yanvar yer altında bizi çəkir sınağa
İyirmi faiz yoxdur yer üzündə, ümid yoxdur sabaha
Oruc qəza, namaz batil, həccə getmirik daha
Babək göydələnlər tikir yaxın olsun Allaha
Yenə millət yola çıxıb həqiqət axtarmağa
Ağızlar hər an hazırdı söyüşə, qışqırmağa,
TV-lərdə Nuşirəvan rep oxuyur bayquşa
Fitnə şəxsi fitnes klubda öküz qaldırır başa
Qatır Məmməd dəstəsilə qaşlarını aldırır.
Saat 07.00-10.00 arası yayımlanan verilişdə aparıcı Cəlalə Nəzəroğlu aşağıdakı ifadələri işlədib və ardınca "Qan" qrupunun "Metamarfoza" mahnısı təqdim edilib:
"Bəzi şəxslər və qurumlar var ki, kimlərisə ya şəxs olaraq, ya qurum olaraq milli-mənəvi dəyərlərə əməl etməməkdə günahlandırırlar və bəzi şəxslər özləri buna əməl etmirlər.
Bunu tənqid eləyən həmin şəxsləri ifşa eləyən bir mahnı var. "Qan qrupu"nun ifasında. "Metamorfoza" adlanır bu mahnının adı. Həmin mahnını təqdim edirik".
Tarix
2015.10.09 / 14:11
|
Müəllif
Emil Salamoğlu
|