Biz "Qazprom"la yeni görüşlərə başlamışıq.

Axar.az xəbər verir ki, bunu jurnalistlərə açıqlamasında Gürcüstanın Energetika naziri Kaxa Kaladze söyləyib. Onun sözlərinə görə, "Qazprom"la münasibətlər bu gün başlamayıb:

"Biz Rusiyadan artıq uzun illərdir ki, qaz alırıq. Bu münasibətlər gələcəkdə də davam edəcək. Biz həmçinin aktiv şəkildə İranla da çalışırıq. Üstəlik, bu gün İrandan qaz almaq üçün real imkan yaranıb. Geosiyasi şəraitimizdən asılı olaraq, Gürcüstan tranzit ölkəyə çevrilir. İran qazı buradan Türkiyəyə, oradan isə Avropaya ötürülə bilər. Ona görə də biz maksimal şəkildə bu tip beynəlxalq layihələrə "Şahdəniz" proyekti kimi qatqı verməyə çalışacağıq".

Qeyd edək ki, Gürcüstanın qaz təminatında hazırda ən böyük rolu SOCAR oynayır.