Oktyabrın 5-i saat 19:00-da ANS TV-də yayımlanan "Beş barmaq" verilişində "Şifahi və yazılı Azərbaycan dili" mövzusunda maraqlı elmi müzakirə keçirilib.

Mövzunun müzakirəsinə ixtisasca dilçi olan peşəkar qələm sahibləri, filologiya elmləri doktoru, "Hədəf" Nəşrlər Evinin direktoru Şəmil Sadiq, "Arqument.az" saytının baş redaktoru Şəmşad Ağa, təhsil eksperti Elxan Nəcəfov, AMEA Əlyazmalar İnstitutunun nümayəndəsi Əzizağa Nəcəfzadə qatılıb. Ləhcələrin ədəbi dilə gəlməsi və televiziya aparıcılarının yanlışlıqlarına toxunan mütəxəssislər daha sonra mövzunu genişləndirərək, ən aktual və narahatedici məqamlara münasibət bildiriblər. Futbol klubları, transmilli korporasiyalar, avtomobil, sayt, brend və s. adların yazılmasında çətinliyin olduğunu qeyd edən dilçilər bunlara səbəb kimi Azərbaycan dilində yeni dil normalarının olmamasını göstəriblər.

Dilçi mütəxəssislər Azərbaycan dilində dövlət tərəfindən tənzimlənən orfoqrafiya qaydalarının fonoqrafik, tarixi-ənənəvi və etimoloji prinsiplərinə də aydınlıq gətiriblər.

Axar.az mövzunun aktuallığını və xüsusi əhəmiyyətini nəzərə alaraq, ANS-in efirində yayımlanan müzakirənin video-yazısını təqdim edir.