Ana səhifə Toplum |
AMEA-nın Nəsimi adına Dilçilik İnstitutunda aparılan monitorinqlər başa çatıb.
Bunu Axar.az-a açıqlamasında AMEA Humanitar Elmlər Bölməsinin akademik katibi, AMEA-nın həqiqi üzvü Teymur Kərimli deyib.
"Dilçilik İnstitutunda aparılan yoxlamalar bitdi. Nəticələr ümumiləşdirilib çox güman ki, bu həftə ərzində elan olunacaq", - deyə akademik bildirib.
Sentyabrın 28-də başlayan monitorinqin mahiyyəti Prezident İlham Əliyevin təsdiqlədiyi dil haqda Dövlət Proqramının (Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı) hansı dərəcədə tətbiq olunmasıdır.
Hazırda Dilçilik İnstitutunda direktor vəzifəsini həm Tofiq Hacıyev, həm də Möhsün Nağısoylu icra edir. T.Hacıyev iyulun sonlarında istefa verib. Bundan sonra AMEA prezidenti Akif Əlizadə AMEA-nın müxbir üzvü Möhsün Nağısoylunu direktor əvəzedicisi təyin edib. Lakin sonradan T.Hacıyev istefa ərizəsini geri götürməklə bağlı ikinci müraciət ünvanlayıb və işə çıxıb. AMEA-nın Rəyasət Heyətinin yaranan anlaşılmazlıqla bağlı yaxın günlərdə yekun qərar verməsi gözlənilir.
Tarix
2015.10.12 / 11:03
|
Müəllif
İlham Sahiloğlu
|