Ana səhifə Avto |
Vəsiqəsini evdə unudan sürücü cərimələnə bilməz.
Axar.az xəbər verir ki, İnzibati Xətalar Məcəlləsinin 152.2-ci maddəsində vətəndaşın nəqliyyat vasitəsini sürücülük hüququ olmadan idaretməyə görə məsuliyyət daşıdığı qeyd olunub.
Amma sürücülük vəsiqəsini yanında daşımadığı üçün cərimə yazıla bilməz.
Mövcud texnoloji imkanlarla yol polisləri istənilən avtomobil və sürücü ilə bağlı məlumatı sənədlər olmadan əldə edə bilər.
Çünki yol polisi avtomobillərində buna imkan verən kompüterlər var. "Xəzər-xəbər"ə danışan ekspert Ərşad Hüseynovun sözlərinə görə, bəzi ölkələrdə sürücülük vəsiqəsi evdə qalan sürücü ayrılıqda cərimələnir.
Qanunda isə göstərilir ki, yola çıxan istənilən sürücünün üzərində sürücülük vəsiqəsi, avtomobilin qeydiyyat şəhadətnaməsi, əgər avtomobil öz adına deyilsə, etibarnamə və sığorta vərəqələri mütləq qaydada olmalıdır.
Tarix
2015.10.12 / 11:23
|
Müəllif
Emil Salamoğlu
|