Ankaradakı partlayışda başlıca şübhəli İŞİD terror qrupudur.

Axar.az xəbər verir ki, bu sözləri jurnalistlərə açıqlamasında Türkiyə Baş naziri Əhməd Davudoğlu deyib.

O bildirib ki, bu terror aktı nəticəsində Türkiyə Suriyaya çevrilməyəcək:

"11 Sentyabr və Madrid hadisələrindəki kimi, Ankaradakı terror da inkişaf etmiş ölkələrə qarşı həyata keçirilən hücumlara bənzəyir. İlk növbədə İŞİD faktoru üzərində dayanmışıq. Bundan başqa, PKK, DHKP-C qruplaşmalarını nəzarətdə saxlayırıq. Ölkədə çox ciddi şəkildə terrorçulara qarşı mübarizə başlayıb. Terror qrupları ilə bağlantısı olan şəxslərin siyahısı tərtib olunub. İŞİD-lə bağlantısı olan şəxslər tutulub".