Ana səhifə Kult Ədəbiyyat |
Bu gün saat 19:00-da Azərbaycan Dövlət Filarmoniyasında xalq şairi Fikrət Qocanın 80 illiyinə həsr olunmuş təntənəli yubiley tədbiri keçiriləcək.
Axar.az xəbər verir ki, yubiley münasibətilə Fikrət Qocanın səkkizcildliyi çapdan çıxıb. Seçilmiş əsərlər toplusuna şairin sovet dövründə nəşr edilmiş, habelə son illər yazdığı əsərlər daxil edilib. Bundan başqa, nəşrdə şairin roman və povestləri də yer alıb. "Təkərlər geri fırlanır", "Yaralı çiçəklər" və "Rəssam düşünür" əsərləri də səkkizcildliyə daxil edilib. Cildliyin 7-ci cildi xalq şairinin müxtəlif dövrlərdə yazdığı və Şövkət Ələkbərova, Elmira Rəhimova, Rəşid Behbudov, Flora Kərimova kimi sənətkarların ifa etdikləri mahnıların mətnlərindən ibarətdir.
Qeyd edək ki, Fikrət Qoca 1935-ci il avqustun 25-də Ağdaş rayonunun Kotanarx kəndində anadan olub. 1964-cü ildə Moskvada Maksim Qorki adına Ədəbiyyat İnstitutunu bitirib. 1998-ci ildən AYB-nin katibidir.
Tarix
2015.10.12 / 16:57
|
Müəllif
Nigar An
|