Ana səhifə Gündəm |
Bu gün beynəlxalq aləmin əsas mövzusu terrora qarşı ortaq mübarizənin təşkilinə nail olmaqdır.
APA-nın məlumatına görə, bunu Azərbaycan
Milli Məclisinin deputatı, deputatlığa namizəd Adil Əliyev
Türkiyədə baş verən terror hadisəsini şərh edərkən bildirib. O
bildirib ki, birgə mübarizə olmasa, vəziyyət daha da
pisləşəcək:
"İki dünya müharibəsindən çıxan bəşəriyyət terroru yenməsə və ya ən
azı terrorun miqyasını zəiflətməsə, vəziyyəti nəzarətdə saxlamaq
çətinləşəcək. Terror artıq Türkiyəmizin paytaxtı Ankaranı vurur.
Dünən isə belə bir xəbər gəldi ki, birbaşqa qonşumuzun paytaxtında
– Moskvada da terror törətmək istəyən qrup yaxalanıb. Bütün bunlar
onu deməyə əsas verir ki, beynəlxalq terrorçulara qarşı birgə
əməkdaşlığa ehtiyac var. Çünki terrorun bu gün və ya sabah haranı
vuracağı bəlli deyil. Silahlı separatçıların da terrorçulardan elə
böyük fərqi yoxdur. Nəzarətsiz bölgə olan Dağlıq Qarabağ
terrorçuların məskənidir. Azərbaycan prezidenti İlham Əliyev
müsahibələrinin birində söylədiyi kimi, pis və yaxşı terrorçu
yoxdur".
Tarix
2015.10.12 / 22:11
|
Müəllif
Axar.az
|