Bu gün Avro-2016-nın seçmə mərhələsində ən gərgin görüşlər keçiriləcək.

Axar.az xəbər verir ki, A qrupunda Türkiyə millisi evdə İslandiyanı mütləq məğlub etməlidir.

Fatih Terimin komandası qalib gələcəyi təqdirdə pley-off oyunlarına qatılmaq şansı qazanacaq.

Hollandiya millisi də evdə Çexiyanı məğlub etməklə bu şansa yiyələnə bilər. Lakin bunun üçün Türkiyə yığması xal itirməlidir. Bu qrupun digər matçında Latviya Qazaxıstanı qəbul edəcək.

B qrupunda final mərhələsinə vəsiqə qazanan iki komanda - Belçika və Uels son matçını evdə keçirəcək. Belçika öz meydanında İsraili, Uels isə Andorranı qəbul edəcək.

Bu qrupda üçüncü pillədə qərarlaşan Bosniya və Hersoqovina yığması səfərdə Kiprin qonağı olacaq.