Ana səhifə Kult |
Azərbaycan Yazıçılar Birliyi oktyabrın 10-da Türkiyənin paytaxtı Ankara şəhərində baş vermiş dəhşətli terrorla bağlı bəyanat yayıb.
Axar.az xəbər verir ki, Türkiyəni yasa boğan terror haqda yayımlanmış bəyanatda deyilir:
"Oktyabr ayının 10-da Türkiyənin paytaxtı Ankara şəhərində ağır terror hadisəsi baş verib. Dinc aksiya zamanı törədilmiş partlayışlar nəticəsində 100 nəfərə qədər insan həyatını itirib, 200 nəfərdən çox insan yaralanıb.
Azərbaycan Yazıçılar Birliyi qanlı terror aktından son dərəcə hiddətləndiyini bildirir, bu ağır gündə bütün Azərbaycan xalqının, o cümlədən, Azərbaycanın ziyalılarının, söz və qələm adamlarının qardaş Türkiyə xalqının yanında olduğunu bəyan edir, Türkiyə xalqının ağır kədərini bölüşür, həlak olanların ailələrinə və yaxınlarına dərin hüznlə başsağlığı verir, yaralananlara və xəsarət alanlara şəfa diləyir".
Xatırladaq ki, oktyabrın 10-da Türkiyənin paytaxtı Ankarada Dəmiryolu stansiyasına gedən körpünün altında terakt baş verib.
Tarix
2015.10.13 / 12:54
|
Müəllif
Nigar An
|