Ana səhifə Planet |
ABŞ-da yaşayan türk və müsəlman cəmiyyətləri Respublikaçılardan prezidentliyə namizəd Donald Trampın məscidləri bağlamaq haqda sözlərinə sərt reaksiya veriblər.
Axar.az xəbər verir ki, Nyu Yorkun Bruklin bölgəsində Əyyub Sultan məscidinin önünə toplaşan təşkilatlar ölkədə dini azadlığın məhdudlaşdırılmasına, islamafobiyaya və Trampın irqçi çıxışlarına qarşı mübarizə aparacaqlarını bildiriblər.
Əyyub Sultan məscidi və mədəniyyət mərkəzinin rəhbəri İbrahim Şən Trampın üzr istəməyəcəyi halda məhkəməyə müraciət edəcəklərini deyib.
Bruklin şəhərinin meri Erik Adams isə çıxışında dini azadlığın ABŞ-ın təməl daşı olduğunu deyib:
"Buradan Trampa yüksək səslə mesaj vermək istəyirik. Onu yarışdan (prezidentlik) kənarlaşdıracağıq".
Tramp "Foks Biznes" kanalına müsahibəsi zamanı İŞİD-lə mübarizə çərçivəsində bəzi məscidləri bağlayacağını deyib.
ABŞ-da prezident seçkiləri 2016-cı ildə baş tutacaq.
Tarix
2015.10.24 / 21:25
|
Müəllif
İlham Sahiloğlu
|