Ana səhifə Sağlıq |
Mədə ağrılarına adətən mədə iltihabı ilə nəticələnən qastrit xəstəlikləri səbəb olur. Qastritlərin əsas səbəbi mədə turşuluğunun yüksəlməsi, qida rejiminin pozulması və son illər kəşf olunan helikobakterpilori infeksiyasıdır.
Bu sözləri Axar.az-a həkim qastroenteroloq-hepatoloq Fərrux Nağıyev deyib. O, mədə turşuluğunun turşuluğu yüksək olan qidaların, həmçinin, dərman maddələrinin uzun müddət qəbulu (xüsusilə aspirin və ağrıkəsicilər) nəticəsində yüksəldiyini bildirib:
"Mədə turşuluğunun yüksəlməsi zamanı mədədə yanma hissi, qıcqırma yaranır. Bəzən boğazda qıcıqlanma və səbəbsiz olaraq dişlərin cürüməsi də bu prosesə aiddir.
Qida rejiminin doğru olmaması, uzun müddət yanlış qidalanma mədə problemlərinə yol açır.
Xüsusən, ayaqüstü qidalarla qidalanma, rəngli, qazlı içkilərdən istifadə, acılı, ağır yeməklər qəbul etmək əsas səbəblər sırasındadır.
Mədə ağrılarından əziyyət çəkən insanlar necə qidalanmalıdır?
Mədə ağrılarından əziyyət çəkənlərin az-az, lakin tez-tez qidalanmaları lazımdır. Onların gün əzində uzun müddət, yəni 5-6 saat ac qalmaları düzgün deyil.
Daha çox buxarda bişən toyuq, balıq yeməkləri və tərəvəzə üstünlük verilməlidir".
Qeyd edək ki, pəhriz müddətində şikayətlər keçməzsə, həkimə müraciət etmək mütləq hesab edilir.
Tarix
2015.11.24 / 08:00
|
Müəllif
Fatimə İbrahimova
|