Ana səhifə Gündəm |
Türkman Dağı tutulmayıb. Biz burdayıq və torpağımızı qoruyuruq.
Axar.az xəbər verir ki, bu barədə Türkman Dağından reportaj hazırlayan Türkiyənin "Sabah" qəzetinə komandirlərdən Bəşər Molla deyib. O, sözügedən bölgədə İŞİD terrorçularının olması barədə iddiaları yalanlayıb:
"Burada İŞİD terrorçuları olduğu üçün bombalanması barədə iddialar tamamilə yalandır. Əsəd və Rusiya buranın əsil sahibi olan türkmanları bombalayır. Türkman Dağı tutulmayıb. Biz burdayıq və torpağımızı qoruyuruq. Bəşər Əsəd devrilər, lakin Türkman Dağı əldən getməz. Türkman Dağının 90 faizi bizim əlimizdədir. Bura bizim vətənimizdir. 1200 döyüşçümüz ilə son gülləmiz bitənə qədər döyüşməyə davam edəcəyik. Bu günə qədər Allahdan və Türkiyədən başqa bizə dəstək verən olmayıb. Bilirik ki, Türkiyədəki qardaşlarımız buranın tutulmasına icazə verməyəcək. Onlar gəlib burada savaşacaq".
Qeyd edək ki, Suriya son günlərdə Rusiyanın havadan dəstəyi ilə türkmanlara qarşı əməliyyatlar aparır.
Tarix
2015.11.24 / 10:59
|
Müəllif
İlham Sahiloğlu
|