Rusiyanın türkmanlara qarşı apardığı əməliyyatlar rəsmi Moskva ilə Türkiyə arasında münasibətləri təhlükəyə atır.

Axar.az xəbər verir ki, bu barədə Türkiyə Prezident Administrasiyasındakı mənbə Trend-ə deyib.

"Türkmanların Suriyadakı terror təşkilatları ilə heç bir ortaq nöqtəsi yoxdur. Suriyada türkmanlara qarşı həyata keçirilən əməliyyatları bölgədəki türkdilli xalqların etnik təmizləməsi kimi qiymətləndirmək olar", - mənbə bildirib.

Suriya və Rusiya son günlərdə türkmanlara qarşı əməliyyatlar aparır.

Türkiyə məsələ ilə əlaqədar Rusiyanın Ankaradakı səfiri Andrey Karlovu XİN-ə çağıraraq etirazını bildirib.