Ana səhifə Gündəm |
12:07
Bu gün V çağırış Milli Məclisin (MM) ilk sessiyası
başlayıb.
APA-nın
məlumatına görə, yeni tərkibdə MM-in ilk iclasına ən yaşlı deputat
Fəttah Heydərov sədrlik edir.
Dövlət Himninin səsləndirilməsindən sonra iclas açıq elan edilib.
İclasda Azərbaycan prezidenti İlham Əliyev də iştirak edir. Dövlət
başçısının iclasda geniş nitq söyləyəcəyi gözlənilir.
Daha sonra MM sədri, sədrin müavinləri, parlamentin komitə sədrləri
və komitə sədrlərinin müavinlərinin seçilməsi nəzərdə tutulur.
YAP mətbuat xidmətindən Axar.az-a verilən məlumata görə, hakim partiya Milli Məclis sədrliyinə Oqtay Əsədovun namizədliyini irəli sürəcək.
***
Parlamentin yeni tərkibdə ilk iclasını Milli Məclis Aparatının rəhbəri Səfa Mirzəyev açıb. O deyib ki, Milli Məclisin Daxili Nizamnaməsinin 2-ci maddəsinə görə, yeni seçilmiş Milli Məclisin birinci iclasını ən yaşlı deputat aparmalıdır. Bu missiya Milli Məclisin deputatı Fəttah Heydərova nəsib olub.
İclasa sədrlik edən Fəttah Heydərov beşinci çağırış Milli Məclisin iclasını açıq elan edib.
Azərbaycan Respublikasının dövlət himni səslənib.
Tarix
2015.11.24 / 12:25
|
Müəllif
Axar.az
|