Rusiya təyyarəsi Türkiyə sərhədindən 1 kilometr uzaqlıqda vurulub.

Axar.az xəbər verir ki, bunu jurnalistlərə açıqlamasında Rusiya Prezidenti Vladimir Putin söyləyib.

O, təyyarənin Türkiyə sərhədindən 4 kilometr uzaqlıqda düşdüyünü bildirib:

"Təyyarə Suriya ərazisində "hava-hava" tipli raketlə vurulub. Bizim təyyarələr Türkiyə üçün heç vaxt təhdid törətməyib. Bu, aydın məsələdir. Türkiyənin bu addımı bizə arxadan vurulan zərbədir. Biz Suriyadakı təyyarəmizlə baş verən bütün məsələləri analiz edirik. Türkiyə bizim təyyarəmizə ABŞ-la bu tip insidentlərə qarşı müqavilə imzalamağımıza rəğmən, atəş açdı. Biz artıq çoxdan müəyyən etmişik ki, Türkiyə İŞİD-in nəzarət etdiyi ərazilərdən ucuz neft əldə edir. Rusiya hər zaman Türkiyəyə nəinki qonşu kimi, həm də dost ölkə kimi yanaşıb. Bunun kimə lazım olduğunu bilmirəm, amma bizə yüz faiz gərək deyildi".