Türkiyə təhlükəsizlik qüvvələri PKK üzvləri barədə aparılan araşdırmanın nəticəsini açıqlayıb.

Axar.az xəbər verir ki, rəsmi məlumatlara görə, Türkiyədə hazırda 2500 PKK terrorçusu var. Ölkə xaricində isə müxtəlif yaş qruplarında təşkilat üzvlərinin sayı 9 mini ötür. Bunlardan 2500 nəfəri Suriyada, 600-ü İranda, 3500 nəfəri Şimali İraqda, 2500 nəfər terrorçu isə müxtəlif adlar altında başda Avropa Birliyi olmaqla digər ölkələrdədir.

Təhlükəsizlik qüvvələri İnqilabçı Xalq Azadlıq Partiyası Cəbhəsi (DHKP/C) silahlı terror təşkilatının Türkiyə daxilində 5 minə yaxın üzvü olduğunu açıqlayıb. 500-ə yaxın silahlı terrorçu isə böyük şəhərlərdə PKK-ya dəstək verir.

Son iki il ərzində 18 yaşından kiçik 88-i qız olmaqla 316 uşaq PKK tərəfindən dağlara qaçırılıb.