Ana səhifə Gündəm |
Elza Seyidcahan partiyanın Nərimanov rayonunda qeydiyyatdadır. Həmin rayon təşkilatında Elza xanımla fərdi qaydada söhbət aparılıb.
Axar.az xəbər verir ki, bu sözləri Yeni Azərbaycan Partiyasının mətbuat xidmətinin rəhbəri Hüseyn Paşayev deyib.
Hakim partiya sözçüsü "Modern.az"a qeyd edib ki, sənətçi haqda cəza növü tətbiq edilib:
"Bu, partiya sıralarından qovulma deyil. Digər cəza növü tətbiq olunub".
H.Paşayev partiya tərəfindən şəxsi təşəbbüsləri ilə parlament seçkilərində namizədliyini verən YAP üzvlərinə dəfələrlə xəbərdarlıq edildiyini diqqətə çatdırıb:
"Partiyanın mövqeyi olmadan sərbəst şəkildə seçkilərə qatılıb deputatlığa namizəd kimi iştirak edən partiya üzvlərinə qarşı ölçülər götürüləcəyi bildirilmişdi.
Bildiyiniz kimi, xəbərdarlıqdan sonra müstəqil şəkildə namizədliyini irəli sürmüş partiya üzvlərinin əksəriyyəti öz namizədliyini geri götürdü.
Sadəcə, 10 nəfər partiyanın qərarının əksinə olaraq seçki marafonunda iştirakını davam etdirdi. Düzdür, özbaşına namizədliyini irəli sürənlərin birmənalı olaraq partiyadan kənarlaşdırılacağını deməmişdik. Bizim qərarımız bu idi ki, onların hər birinin məsələsi qeydiyyatda olduqları rayon təşkilatında müzakirə olunacaq, partiya nizamnaməsinə uyğun olaraq ölçülər götürüləcək".
Tarix
2015.11.25 / 11:19
|
Müəllif
Emil Salamoğlu
|