Çempionlar Liqasının qrup mərhələsində 5-ci tur maraqlı nəticələrlə yadda qalıb.

Axar.az-ın məlumatına görə, "Barselona", "Bavariya" və "Zenit" növbəti mərhələyə yüksəlib.

BATE "Bayer"lə (Leverkuzen) 1:1 bərabərə qalıb. Bu qrupun lideri "Barselona" öz meydanında "Roma"nı 6:1 hesablı qələbə ilə darmadağın edərək evinə yola salıb.

"Bavariya" da rahat qələbə qazanıb. "Alman manşını" yunan "Olimpiakos"una 4 cavabsız top vurub.

"Arsenal" isə "Dinamo"nu (Zaqreb) 3:0 hesablı qələbə ilə məyus edib. "Makkabi" (Tel-Əviv) öz evində biabır olub. Yəhudi komandası "Çelsi"yə 0:4 uduzub.

"Portu" da öz evində məğlub olub. Komanda "Dinamo"ya (Kiyev) 0:2 hesablı məğlubiyyətlə boyun əyib. "Zenit" "Valensiya" görüşü 2:0, "Lion" - "Gent" matçı isə 1:2 başa çatıb.