Şagirdləri repetitora getməyə məcbur edən müəllimlər vergiyə cəlb olunmalıdır.

Axar.az xəbər verir ki, belə bir təkliflə Neftçilərin Hüquqlarının Müdafiəsi Təşkilatı İctimai Birliyinin sədri Mirvari Qəhrəmanlı çıxış edib. Hüquq müdafiəçisinin fikrincə, təhsili biznesə döndərən müəllimlərə qarşı cəza tətbiq edilməlidir:

"Əksər məktəblərdə dərslər keyfiyyətli keçirilmir. Və valideynlər övladlarının instituta qəbul ola bilməsi üçün məcbur olub onları əlavə müəllim yanına göndərir.

Dərs vaxtı şagirdlərə bilik verməyə çalışmayıb, şagirdləri əlavə hazırlığa getməyə məcbur edən müəllimlərə cəza olaraq, onların özünün də şagird hazırlığından aldığı vəsaitə vergi tətbiq olunmalıdır".